Photos: Google

「喂！Andorid版Gmail喺今年五月已經有啦，仲講嚟把鬼咩！」 

Goolgle近日公布iOS 版Gmail手機應用程式，新增「防網絡釣魚」（anti-phishing）功能，當用戶點解到Gmail認為係可疑嘅「釣魚」網站連結，立即會出現提示，詢問用戶係唔係要繼續瀏覽連結網站。

如果你明知山有虎，偏向虎山行，擺到明想死。Gmail會顯示警告，講明你將進入一個已被確定為偽造嘅網站。嗱！雙重保障就做足嘞，你硬係照去，大家唯有目送你「上路」。 

網絡釣魚唔係新嘢，大致上都係透過呢類古怪電郵釣魚，偷取閣下嘅login、password、信用卡資料等等。亦有聽過人唔覺意開啟咗網上相簿嘅自動上載功能，點知連相簿嘅賬戶資料都畀人偷埋，自己同女友嘅「一泊兩食」出晒街，一舉成名。

「喂！Andorid版Gmail喺今年五月已經有啦，仲講嚟把鬼咩！」

「知喇，你咁牙擦，講到自己實唔會有事，睇下你幾時中招！」

警告咗你都硬係要click落去，大家只能祝你一路好走