藍色錶面於腕錶界黎講一啲都唔罕見，我甚至夠膽講只要你花啲時間，成個Pantone藍色系列你都可以用錶面排到出黎。而Zenith新推出嘅Pilot Type 20 "Blueprint" 雖然嚴格上都係藍面，但就唔係普通藍面，直頭係一張「藍圖」。

我唔係食字，Pilot Type 20 "Blueprint"個啞光藍雙層錶盤，真係刻咗錶盤製作師於製錶過程中所畫嘅技術設計圖和標記，換言之真係整錶嘅藍圖黎；而時標數字及品牌標誌就刻喺藍寶石水晶上。據知呢個靈感係來自Zenith設計團體搵返自己錶廠嘅建築藍圖、再諗起早期嘅飛機藍圖，於是就決定將製錶藍圖用於飛行員腕錶系列之上。

除咗藍圖錶面，"Blueprint"亦秉承系列的45mm錶殼、巨型「洋蔥」錶冠。側面有銘牌標示編號。`配自製Elite 679型自動上鍊機芯，大三針設計、50小時動力儲存。限量250隻，售價為HK$64,600。