酒，無論個容量係幾多，大家用開嘅量詞都係一「支」、一「樽」，但大家呢個習慣好有可能要改，因為近年酒業著重環保，例如Diageo旗下嘅著名蘇格蘭威士忌品牌Johnnie Walker，就或會於年內改用紙品包裝，到時啲Black Label就可能唔係一支一樽，係一包包架啦！

據報導，Diageo將會與Pulpex Limited合作，製作出以木為主要材料而且完全冇塑膠成份嘅酒樽，而Pulpex亦指佢哋嘅生產材料來自「小心管理嘅樹林」，而且成個都可以回收。事實上Diageo於6月亦已為旗下另一品牌「Seagram's 7 Crown Whiskey」換上100%可回收塑膠造嘅酒樽。