近年因為日本男子排球隊成績上升，再加上動漫《排球火年》等於場外造勢，導致日本男排成員成為如偶像明星嘅存在，每次比賽都有唔少「Fans老婆」入場支持。不過成員之一嘅主攻手「高橋藍」近日就中咗一發「文春炮」，被《週刊文春》爆料佢秘戀網紅「uka」嘅同時，仲同一線AV女優「河北彩伽」於酒店密會，換言之佢一腳踏兩船之餘仲要染指唔少人心目中嘅女神，瞬間就成為人民公敵。

高橋藍

圖片：髙橋藍(Ran Takahashi) (@Ran_volley0902) / X

uka

圖片：uka.（@d28_uka）• Instagram 相片與影片

現年24歲嘅「高橋藍」於2020年帶領就讀嘅京都東山高校參加全日本排球高等學校選手權大會（春高），奪得冠軍之餘自己仲做埋MVP，於時翌年就被選入國家隊，作為主力隊員之一參加過多屆亞洲男子排球錦標賽 及 男子排球國家聯賽，並憑著俊朗外表加188cm身高成為唔少Fans嘅男神。同時自2021年佢亦加盟意大利職業聯賽球隊，直到去年先回日本加入三得利太陽鳥。

而呢位排球男神近日就被日本著名八卦雜誌《週刊文春》盯上，跟拍咗超過1個月。據《文春》報導，9月30日時「高橋藍」於大阪出席活動後回到東京入住酒店，而AV女優「河北彩伽」亦於當晚入住，疑似約好幽會。翌日中午女方素顏離開，20分鐘男方亦同樣離去。而就係當晚（10月1日晚上），「高橋藍」先與數名隊友加上幾位女性友人聚餐後，於凌晨三點坐的士去到六本木某間酒店前，與一名女子會合後上房。而該名女子正是於IG擁有超過15萬Fans嘅好身材網紅「uka」。換言之之佢連續兩日約女上房，難怪日媒稱佢為「超級肉食男」。

河北彩伽

圖片：河北彩伽 KawakitaSaika（@saika_kawakita__official）• Instagram 相片與影片

據《文春》報導，其實「uka」先係「高橋藍」嘅正印女友。本月19日二人再次被拍到於大阪一間桑拿約會，然後入住同一間酒店。翌日記者當面向男方求證，佢就表示二人只係朋友。同一時間，「高橋藍」於九月中時就已經同「河北彩伽」有來往，記者影到佢哋入住東京某間高級酒店。六日後「高橋藍」有份嘅日本男子排球代表隊於世界男排錦標賽小組賽敗退。

換言之，「高橋藍」自9月起就已經同時於「uka」及「河北彩伽」密會，甚至可能因為縱慾過度影響比賽狀態導致國家隊出局（雖然話排球係團體比賽）。加上佢過去曾於直播中表示「出軌的男人最討厭」，依家似乎就係回力鏢鏢中自己，令佢形象大跌。

資料來源：週刊文春