雖然話魚水之歡的確令人流連忘返，但相信各位男士都唔會否認做愛其實係一件幾消耗體力嘅事。咁如果你想做運動減肥、同時又好鍾意做愛，用做愛黎代替一般運動又有無得諗呢？近日一個網上嘅「性愛姿勢卡路里計數機」就證明咗的確有呢個可能性，但要實行嘅最大限制，就在於你持唔持久。

卻說據女性雜誌《Marie Clarie》於2023年報導，一個叫「GolfSupport.com」嘅網站進行一個測試，將Fitbit手環分發予112對異性戀情人，並要求佢哋戴住黎做愛，以此計算出不同性愛姿勢嘅平均熱量消耗。而另一網站「NowPatient」就引用呢個調查，做出一個更容易用嘅「性愛姿勢卡路里計數機」，只需要你做愛時記得自己用咩姿勢做咗幾耐，於計數機中輸入相應時間，佢就自動計出你消耗咗幾多卡路里，係咪好易用呢？

不同姿勢做愛十分鐘所消耗嘅熱量

圖片：NowPatient

按呢個「性愛姿勢卡路里計數機」顯示，熱量消耗最多嘅係一個叫「The butter churner」嘅姿勢，亦即其中一方背脊著地屁股向天，另一方以半蹲半坐嘅方式從上而下活動，每一分鐘可以消耗7卡路里；如果你嫌呢個姿勢太奇怪，咁面對面站立以及狗仔式，每分鐘亦可以消耗6至7卡路里。至於消耗最小嘅就係各種變化嘅女上男下，其中又以最常見嘅面對面女上男下最低，每分鐘僅消耗1卡路里咁大把。

雖然做愛理論上能夠代替運動，但問題就在於大部份人嘅持久時間都不足。一個荷蘭研究就指出，歐州成年人嘅「插入後活動時間」平均只有5分半鐘，全部用哂「The butter churner」姿勢都只係消耗咗40卡路里左右，即係大約半條蕉嘅熱量。所以除非你係天賦異稟金槍不倒，如果唔係出去行多兩步可能更加有用。

資料來源：NowPatient