{ SKIP }
文:MenClub 魏文青  
POSTED ON 10 Jun 2025

喺呢個社交媒體當道嘅年代,唔少人都非常在意影相時自己好唔好睇,女士們靠化妝、P圖就唔在講,唔少男士其實都有P圖嘅習慣。但近日一個最新研究就指出,其實有個更簡單嘅方法令自己影相時睇落更加吸引,就係搵個樣衰過你嘅企喺隔離就得!

圖片:ImageFX

呢項研究由中國研究團隊進行,並發表於《Current Psychology》期刊。 研究人員招募咗47位年齡介乎18至24歲嘅大學生參與實驗 實驗中,參與者會睇到一組兩張女性面孔照片,一張係中等吸引力,另一張則係高或低吸引力。 然後,參與者需要判斷某個描述性格特質嘅詞語(例如「友善」或「冷漠」)是否適合用嚟形容指定嘅目標面孔(即中等吸引力嗰張)。 研究人員同時透過事件相關電位(ERP)技術,記錄參與者大腦對詞語嘅反應,特別係情緒處理同語義衝突相關嘅腦電波。

結果顯示,當中等吸引力嘅面孔與低吸引力嘅面孔一齊出現時,參與者更傾向將正面特質(如「友善」)歸因於中等吸引力嘅面孔。 相反,當中等吸引力嘅面孔與高吸引力嘅面孔一齊出現時,呢種正面歸因嘅傾向就會減弱。 此外,參與者喺面對低吸引力背景面孔時,作出判斷嘅反應時間亦較快,顯示情緒影響可能令判斷變得更容易。

圖片:ImageFX

研究人員指出,呢種現象可能與大腦處理情緒反應有關。 當目標面孔與低吸引力嘅面孔一齊出現時,參與者大腦中與情緒處理相關嘅腦電波(如N400同LPP)會出現更強烈嘅反應,從而影響對目標面孔嘅性格判斷。 簡單嚟講,喺樣衰嘅人旁邊,你會顯得更吸引、更友善。

呢項研究提供咗一個新角度,解釋「美即是好」嘅刻板印象,指出人哋對你嘅評價唔單止取決於你自己,仲會受到你身邊人嘅影響。 所以,下次影相前,諗清楚要同邊個企埋一齊啦!

資料來源:Getting close to beauty makes you better: the influence of background facial attractiveness on trait inferences

我成日都話無論係日本媒體為咗吸引收視、又或經理人公司為咗幫旗下藝人打響名堂,都會幫新入行嘅偶像、藝人用個人特點起個花名,方便大家記得佢係邊個。而正當我以為經過咁多年,絕大部份嘅花名大家都見慣見熟、萬變 ...
girls
【深夜】「靈長類最強」有幾強? 奇跡的「石原さき」
18 Jun 2025
金錢對於生活係非常重要,甚至唔少人會認為金錢、名牌、炫耀係生活中最重要嘅嘅部份,而呢啲人往往就被稱為「物質主義者」。近日一個中國研究,就發現自覺外表吸引嘅男女,係更傾向成為一個物質主義者,而背後嘅原因 ...
thezone
【兩性】自覺靚仔/女傾向物質主義?提升自我形象有助減低影響
17 Jun 2025