沖繩美麗海水族館乃係當地著名景點之一，如果係一家大細去沖繩，更可以話係必到景點。不過近日有日本網民發現，水族館竟然出現一件「兒童不宜」嘅紀念品，令內心污穢嘅成年人相當汗顏。

美ら海のような心の子供と心が穢れきった大人では見えている物が違うようです… pic.twitter.com/ecRVazZsbA

— 黒澤 (@96shige3) April 4, 2023

卻說日本網民「黒澤 (@96shige3)」於4月4日兒童節去咗美麗海水族館參觀，然後發現佢哋有賣一個紅白相間、頂部半圓、質地柔軟而且又短又粗嘅杯狀紀念品，驟眼睇就同某個「T」字頭嘅日本品牌推出嘅「杯」非常相似。可以話係考驗大家究竟有幾心邪。而「黒澤 (@96shige3)」亦於帖文中表示「心靈有如大海一樣純潔嘅小朋友、以及內心污穢嘅成年人，睇到嘅嘢係唔同嘅」。

而事實上，呢個係水族館按「花園鰻」設計嘅筆袋，整體用矽膠製成，柔軟得黎又有彈性，打開之後可以放到大約15支筆，而個「鰻」頭內部仲有位可以攝舊擦膠入去，考慮到佢經過改裝之後可能仲有其他用途，可以話係相當實用。不過呢個筆袋就賣緊1,980Yen，比起我記憶中嘅另一個紅白柱體要貴唔少，所以如果你想插入去嘅唔係筆，或者就冇入手嘅需要啦。

資料來源：umichurara