【日本調查】大小只係其次？內衣公司訪問800男女何謂「理想的女性胸部」

大家成日都話，男士們都偏向鍾意胸大嘅嘅女士，但事實上係咪真係咁呢？最近日本一間內衣公司在線訪問咗800位男士及女士（各一半），以胸部形狀、大小、柔軟度等指標訪問佢哋覺得邊個最重要，結果顯示無論男女都覺得胸形最為重要，其次就係柔軟度，尺寸大唔大反而三甲不入。

最近一間位於大阪嘅內衣公司MARUKO（マルコ株式会社），以年齡分成2x歲、3x歲、4x歲、5x歲4組，每組分別搵嚟100男及100女，總計800人。詢問佢哋鍾意點樣嘅女性胸部，並按喜好排列以下6個選項：「胸形漂亮」、「柔軟」、「好似飯碗咁圓」、「大」、「小」以及「其他」。結果顥示無論男女都將認為胸形最重要，其次係柔軟度，跟住先到圓唔圓，大唔大呢樣嘢反而排到第4位，不過男士都係比女士更在於胸部大唔大。

除此之外，MARUKO亦都訪問咗各位受訪者鍾意咩顏色嘅內衣，呢方面大家嘅睇法就有少少出入，但相同嘅係無論男女都偏好黑、白、粉呢三隻色，唔知大家嘅諗法係咪同個調查一樣呢？

資料來源：maidonanews.jp

封面圖：馬場富美加、田中美奈實