加拿大McMaster大學嘅學者Max Stick於今月初於《The Conversation》上發表一篇文章，指希望知道自認為女性主義者嘅異性戀男人，與非女性主義者異性戀男性嘅性生活有冇分別，所以拎咗「The Sex in Canada survey」嘅數據黎分析，發現只有22%異性戀男性自認係女權主義者，反之認為自己唔係嘅人就估60%。

但更值得注意嘅係，自認女權主義者嘅男性無論係性交，定口交嘅次數都比唔認係女權主義者嘅男性為高。而且呢到嘅「口交」係講緊「為女性服務」及「被女性服務」，換言之，認係女權主義者嘅男性並非犧牲自己嘅快感以「換取」更多性愛。

至於原因，Max Stick於文章中就指，自認為女權主義者嘅男性，於床上會更在意女性嘅快感——實際行為就係為女性口交嘅次數增加。而又由於為女性口交會刺激到陰蒂、刺激陰蒂又係大部份女性獲得高潮嘅方法，換言之擁有一個「自認為女權主義者嘅男人」嘅女性會享有更多高潮，再換言之就即係更享受性愛，所以就更願意做愛啦！

根據呢個研究，實際重要嘅其實唔係你係唔係女權主義者，而係你有冇在乎另一半於床上嘅快感。各位男性好好考慮下啦。