眾所周知，進食過量高鹽高鈉食物會增加高血壓、腎病、中風等風險，為咗令各位重口味人士食得健康啲，最近明治大學教授宮下芳明聯同飲品生產商Kirin（麒麟）共同開發咗一對「增味筷子（taste-enhancing chopsticks）」。

宮下教授表示，呢對筷子能夠透過電刺激將食物內嘅鈉離子傳遞至用家味蕾，達至增強食物鹹味效果，從此減少用家鈉攝取量。根據宮下團隊實驗結果，筷子能夠將食物鹹度提升大約1.5倍，有望最快2023年量產推出市面。

順帶一提，宮下教授曾經就發明過一部可以「舐」嘅電視，用家只要舐個螢幕就可以品嚐到唔同食物嘅風味，期待佢日後會發明更多新奇產品。