較早前，Apple推出全新iPhone12系列、iPad等新機，旋即成為市場焦點，但出得新機又點會無其他配件輔助下你呢? 近日已經上架發售嘅全新「magsafe」雙充電器，官方售價達到$1049，一個叉電器要過千絕對考驗你嘅Apple信仰。

「magsafe」雙充電器係Apple自家首款擁有兩個無線充電嘅叉電器，之前出嘅無線充電器就只有一個「餅」，無得同時叉多過一個裝置的。而收得你咁貴就梗有原因嘅，首先佢有兩個位置比你無線充電，當中可以叉電嘅包括iPhone、Apple Watch、AirPods等有無線充電供能嘅裝置，你只需簡單放上面就可以叉電架啦。

而當中叉Apple Watch個塊「餅」，係可以企身令你可以唔除錶帶都可以叉到電，算係相當貼心嘅設計，值得一讚。

除左叉電，今次「magsafe」雙充電器嘅設計亦走一貫Apple簡約風，全白色正方外型，以皮革打造，同時印有Apple Logo，同時佢可以因磁石設計達致摺合，方便攜帶。

不過要留意嘅一點係，充電器並唔跟電源轉換器，所以你需要額外再買一個USB-C嘅轉換器(若然你的話)，咁即係價錢可能又要再貴一點。新設備方便係方便，但方便真係需要代價的。