{ SKIP }
文:MenClub 魏文青  
POSTED ON 07 Oct 2020

美國眾議院司法委員會反壟斷小組發表報告,指美國四大科技公司Google、Apple、Facebook及Amazon全屬壟斷,將要求國會修改壟斷法強行「分拆」業務,或者限制四大公司收購其他規模較小嘅同行。

7月時小組曾召喚四大公司老闆Sundar Pichai、Tim Cook、Mark Zuckerberg、Jeff Bezos舉行相關聽證會,而小組主席Jerrold Nadler於報告嘅引言中直指,四個人於聽證會上都喺到「逃避問題,或者根本就冇答」,亦指雖然四大公司嘅業務有所分別,但全部都「係關鍵分銷渠道嘅守門人、利用守門人位置維持自己嘅市場力量、利用作為中間人嘅身份去加深、加闊自己嘅領導地位」。四大公司嘅壟斷業務分別為:Apple對iOS平台上軟件(App)嘅分發、Amazon對第三方賣家及供應商嘅關係、Facebook對社交網站及網上廣告、及Google對於網上搜尋。

截圖自:House Committee on the Juduciary

報告提議國會修改法例,要求四大公司出售業務,令佢哋退出「鄰近業務」,如Facebook必須出售Instagram及Whatsapp。某啲小組內嘅共和黨議員更要求強行分拆四大公司。而報告亦提議往後公司提出收購時,將由公司向當局證明收購後唔會影響市場競爭,而非目前由當局證明收購會影響競爭。

資料來源:House Committee on the Juduciary

上星期為大家報導過,自從Google推出「AI總結」功能,令用家無需按入網站連結都可以獲得相關資訊後,有外媒表示其網站流量大減89%。因為當時嘅報導無講到媒體公司可以點應對,所以睇落就似乎係肉隨砧板上。不過近日 ...
tech
【AI】AI總結損害網站流量 《滾石雜誌》母公司控告Google
16 Sep 2025
近年各大廠商紛紛投入研發AR智能眼鏡,就連Amazon都打算分一杯羹!最近有消息指Amazon正在積極開發兩款全新AR眼鏡,計劃2026年底或2027年初推出。
tech
【挑戰Meta?】傳Amazon正在開發兩款AR眼鏡 最快2026年底上市
11 Sep 2025