武漢肺炎於香港因為政府不全面封關令確診數不斷創新高，明顯係置市民安全於不顧，而外國疫情亦都日趨嚴重，因為患者眾多設備不足下，不少人都得唔到適切治療。不少機構有見及此紛紛投入抗疫活動，其中以吸塵機知名世界嘅Dyson日前就宣佈成功設計全新呼吸機，並將會用來幫助武漢肺炎患者。

據消息指，Dyson於10天內成功開發一部全新嘅呼吸機CoVent，雖然目前仍然等待英國監管活部門通過，但英國政府已經向Dyson落左10000部新呼吸機嘅訂單，以投入於國家衛生局使用。

CoVent係一部安裝於床上嘅便攜式呼吸機，有需要時可以電池供電。作為Dyson嘅創辦人，James Dyson表示公司將可以快速及批量式生產呢部新呼吸機，而呢部機主要係針對武漢肺炎患者嘅臨床需要。James Dyson又表示，公司將會全球捐出5000部呼吸機，當中1000部則會捐給英國，並預計呼吸機將於4月正式Ready。

呼吸機將會為無法自行呼吸嘅患者協助其呼吸，對於治療嚴重武肺病例特別重要，因為當中不少患者會出現呼吸道症狀，嚴重者將無法自行呼吸。