上星期三星摺Mon手機Galaxy Fold喺媒體試用後出現大規模熒幕故障，嚇壞一眾打算打買機嘅準用家，而開賣前夕中國及香港兩地發佈會雙雙剎停，所以大家係時了解吓由中國微博出現嘅Galaxy Fold折解圖片。拆機者指出，手機摺疊嘅「絞鏈」需要非常精準角度對齊，稍有不慎就好容易破壞熒幕，如果你撞到「絞鏈」零件移位就好易報銷，而相信摺Mon呢啲嶄新設計維修費都唔會平，畢竟手機售價都要約$15000港幣。

大家由微博出現嘅拆機圖片可以睇到，Galaxy Fold嘅內部佈局有啲亂，估計維修難度難道頗高，而位於正中間嘅「絞鏈」就係折疊嘅最重要零件，「絞鏈」有三個加固處，估計係防止手機墮地整壞「絞鏈」。另外，圖片亦顯示有兩條帶狀電纜穿過「絞鏈」，估計有部分係用嚟驅動機面較細嘅4.6吋熒幕。

而上述兩條穿過「絞鏈」嘅電纜上均印有「L」及「R」字母，呢個亦可能解釋咗點解Galaxy Fold熒幕有「果凍滾動」效果(下圖Gif)。因早前外媒測試發現，Galaxy Fold左邊熒幕內容顯示較右邊顯示為慢，好大機會因為由不同電纜提供不同影像訊號所致。

整體嚟講，Galaxy Fold屬三星首部摺Mon手機，內部零件佈局都頗為複雜，尤其是「絞鏈」設計，萬一用家跌到「絞鏈」零件移位，手機好可能就咁報銷。因「絞鏈」需要很以精準的角度對齊，令組裝過程更為複雜，而維修費相信都唔會平得去邊。

來源：微博