要一讚政府近年活化舊建築物嘅努力，成功將荷里活道舊警察宿舍（即係黎明拍《三更》嘅場地）變成創意小區，取名「PMQ」，幫助推廣本地設計師及創意小品。適逢最近有潮人 SK 安排了 1600 隻熊貓去唔同地方，希望喚醒大家熊貓面臨絕種，最新一站就來到 PMQ；另一邊廂時尚名所 Joyce 近年亦積極回饋社會，兩者一拍即合，合作咗新計劃：Joyce Care（新分支）邀請韓國設計師 Juun. J，以時尚意念為保育獻一分力。

熱衷慈善的 Juun. J 特別為是次企劃設計出一系列印上特別熊貓圖案的限定產品，當中包括： T恤、咕臣、手提包、手挽袋、眼罩及筆記本。「PMQ 元創方」Joyce 期間限定店將會展出 Juun.J 為是次慈善活動設計的系列，而部分收益將撥捐予世界自然基金會 (WWF)。