泡泡襪入侵男裝Fashion

文：MenClub Mean娜　　圖：互聯網
POSTED ON 06 Jul 2015

泡泡襪係90年代日本女高中生之間流行過的Item，由於佢鬆垮垮可愛又有顯瘦效果，所以好多女孩子都喜歡。

咪以為泡泡襪係古祖產物，唔會再有翻身的一日。Fashion呢家嘢，一向估佢唔到，近年日本就再興起泡泡襪熱潮，唔少日本女Model都有示範，如何將泡泡襪融入便服當中，例如係厚底鞋X泡泡襪，兩樣都具修飾腿部線條效果，著上腳非常顯瘦。

不過今時今日，泡泡襪更潮都好，都唔再只屬女生專利，男生都開始喺時裝中加入泡泡襪，仲絕無違和感添！

其實呢幾年白襪大流行，白色泡泡襪嘅穿搭已經悄悄喺雜誌中出現，變成配搭重點之一。因為泡泡襪具有份量感，所以對於整體較俐落的男裝而言，泡泡襪可以做到Eye Catching的效果。


唔少對流行非常敏感嘅潮人，早就喺穿搭中加入泡泡襪。


而且唔只白色，更興起其他顏色的泡泡襪。當中灰色都係一個受歡迎，而且容易配搭的顏色。無論襯八分褲、九分褲、定係短褲，只要加入泡泡襪，都可以增加腳下的份量感，變成腳部穿搭重點。