既然勢頭咁好，小編就湊熱鬧，提議大家3個以白鞋為主角嘅襯搭look，無論casual或者smart casual都可以應付到，只要一對白波鞋就可以勝任各種outlook，呢啲錢抵俾啦！

Look 1︰白鞋 X 西裝

西裝襯皮鞋唔再係指定動作，只要唔係出席正式場合，dress code講到明要formal dressing嘅話，基本上，大部份場合都歡迎男士們襯白鞋進場，最好上身同白鞋嘅簡約感連成一致，唔好大花大紅，素色貼身剪裁西裝，內襯圓領Tee或T-shirt亦何，呢個打份亦都適合現時高溫天氣。

Look 2︰白鞋 X 任何顏色Chino

白鞋最無敵之處，就係撞任何顏色都無有怕，紅、橙、黃、綠、青、藍、紫，只要敢著上身，所有顏色撞落白鞋，佢都有能力接收。剛好近年悠閒風吹得旺盛，從而chino褲都變得好賣，而chino好處就係多色選擇，將兩者擺埋一齊，感覺剛剛好。

Look 3︰白鞋 x Normcore風

Normcore一詞由「Normal」及「Hardcore」演變出嚟，係依家相當流行，一種偏中性風時尚打扮態度，主張nothing special嘅穿衣態度。而白鞋嘅低調、優雅氣質就正好適合呢類型打扮，為咗要將白鞋成為主角，上身一件素色合身Tee，襯一條窄身捲褲管老牛已經足夠。