謝安琪 (Kay) 去年創立個人品牌「Kaytiquette」，先後推出兩季復古洋裝，而最新就搵來日本百年手工眼鏡品牌Kame ManNen合作，推出手工眼鏡，更搵來好朋友周國賢攬實影宣傳照，Kay更笑言兩人距離太近，大家都不約而同閉氣以免噴到對方，「好彩都係專業歌手，肺活量相當不錯」。

Kame ManNen由木村菊次郎先生於1917年所創立，而木村先生亦係當日本第一間發明電鍍技術以及鈦框製作的製造商「福井光器」嘅創辦人，Kame ManNen亦順理成章專注於製作金屬鏡架，近年更成為時尚新寵。於合作嘅另一單位，本地眼鏡品牌The New Black Optical提議下，此次推出的新款保留Kame ManNen象徵性的龜足鼻托，配搭厚身金屬鏡圈，鏡框方面則用上品牌傳統的琺瑯燒青技術，再襯上亮金金屬的鏡框底色，是Kame ManNen專門為Kaytiquette而製的新配色。

宣傳照方面，Kay話眼鏡令佢諗到淡然的愛情：「一來配合今次我們長青的眼鏡款式；二來也是我對愛情的看法。愛情不需要無時無刻熱情如火，內斂與淡然的相處，也自是細水長流。」於是搵黎佢認為非常適合戴眼鏡的好友周國賢拍攝一系列黑白宣傳照，「大部份相片都需要是特寫，我和周國賢需要企得很貼近對方。雖然我們是認識了很多年的朋友，但是朋友間不會企得那麼親近對方，拍攝時我們都很有禮貌地互相閉氣，我們互相笑言對方都是專業的歌手，肺活量相當不錯，可以閉氣拍攝一段長時間。 周國賢更鬼馬地告訴我，擔心前一晚吃了花生，怕他的呼吸裏仍然滲透着花生的氣味。」