我明大家點諗，香港嘅冬天愈來愈短，去到十二月先真係冬番啲，對於投資落冬天衫的成本，真係會每年遞減，反正可以著到嘅時間又唔多，最重要嘅係，好多男生都習慣一件外套或大褸走天涯，無女人咁究話要天天轉款，所以，佢哋係入手大褸方面，真係會諗過度過，最好件褸咩都襯到之餘，襟著程度以十年為一單位。

趁住而家隨處做緊大減價，大家就好應該係呢個時候趁低吸納，的起心肝去掃件大褸返嚟，吓，仲係無心水？要意見？無問題，提議若然你仲未有件似樣嘅孖襟，即Pea Coat係衣櫃入面坐陣嘅話，咁佢就一定係你現時首選。

當個個著米芝蓮羽絨上班去，唯獨你一個孖襟上陣，成件事係幾咁突出。

皆因佢能文能武，動靜皆宜，返老西加孖襟，係上天注定嘅配搭，暖身之餘成個歐洲型男，唔細日日著件米芝蓮羽絨咁唔襯，出街襯便服，更加難唔到佢。

講咁多無謂，睇以下型男親身示範好過！

Tips︰大膽一點，可以選擇軍藍或黑以外的顏色，如駝色、墨綠，令整體不致沉悶。

Tips︰絨料孖襟款多數質料較厚，建議可用頸巾拉長視覺比例，同時可企領，增強效果。

tips︰大部份人都以為孖襟大衣好老正，其實佢都可以好fashionable，披住佢扮歐洲潮人都無問題。

Tips︰姑終Pea coat源自軍服，襯番啲感覺硬正嘅鞋就最有feel，長靴就最夾。

Tips︰著孖襟最緊要合身，絕對不能over，尤其是膊頭位就決定一切。