{ SKIP }
文:MenClub 波特先生  圖:互聯網
POSTED ON 29 Jun 2022

曾經,尼馬係作為巴西國家隊嘅頭號球星,亦都可以話係僅次於C朗及美斯嘅世界第三球星。不過多年過去,尼馬呢位球員喺唔少球迷眼中就只係一位小屁孩,或只係一位身價不符華而不實嘅球員。

過去在巴塞與美斯及蘇亞雷斯組成嘅MSN組合,令一眾球隊聞風喪膽,不過轉投巴黎聖日耳門後,值憑佢一己次力,甚或有麥巴比與佢並駕齊驅,最終亦只能夠喺國內威盡,出到歐洲卻始終未能帶隊登頂,更加唔好講個人可以奪得金球獎。

而最新嘅消息指,巴黎方面已經通知尼馬要求佢離隊,並表達願意承擔所有費用,基本上尼馬一方係可以獲得合約入面嘅所有工資,而預計呢度係講緊2億歐元。

巴黎方面相信就一定有辦法處理尼馬呢筆支出,不過佢地亦可以選擇將佢外借,但預計人工方面都絕大部份由巴黎方面支付。

不過,尼馬自己對於巴黎想佢離隊感到羞辱,所以佢希望可以轉戰另一支大球會,以證明自己,同時可以打臉巴黎,其最大嘅目標將為會係奪得金球獎。

另外,巴黎方面其實有傳係麥巴比不滿尼馬經常唔遵守紀律,其個人亦不懂自律,體重亦超標3-4KG,所以球隊先會放棄佢。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024