如果要數前曼聯領隊費格遜「費Sir」執教過嘅巨星，絕對係多不數勝，好似「七小福」、C朗、簡東拿、朗尼、堅尼、舒米高等等，但你又估唔估到佢心目中如果要揀一位必然正選，佢又會揀邊一位球員呢? 答案竟然唔係以上嘅球員！

費Sir心目中唯一一位曼聯必然正選，竟然係艾雲(Denis Irwin)！

「老實講，我想講艾雲會係我隊入面唯一嘅必然正選。而喺一場對陣阿仙奴嘅比賽入面，艾雲於最後時刻傳球失誤，導政伯金成功取得入球，賽後有唔少人都話我應該好失望，但我卻表示，10年入面有一個失誤其實都好唔錯啦。」

好明顯，費Sir係非常滿意艾雲作為後防球員極少出現失誤，令佢非常有信心。喺艾雲效力期間，一共為曼聯帶來7次英超冠軍、3次足總盃冠軍、1次聯賽盃冠軍及歐洲盃賽冠軍盃冠軍。