唔知你有無聽聞過北韓籃球係點? 據指佢地入樽唔係得2分，而係入一球得3分；如果三分球「穿針」，可以額外多1分，一球計4分；甚至最後3秒嘅得分一球計8分，完全係顛覆正常籃球。不過，如果呢種玩法單純係想開心嘅話，可能都係令籃球變得更好玩更多變化嘅方式。

較早前MenClub有幸獲Nike邀請參加一場Superpower籃球體驗賽，比賽形式以4vs4方式進行，而每位參加者及各自球隊都會獲分發特別技能卡，其中包括：

加分：

命中三分球額外+2分、搶籃板球額外 + 2分、禁區得分額外 + 2分、搏得對手犯規額外 + 1分、成功偷波/封波額外 + 2分

扣分：

射失一球罰球扣 -2分、失誤扣 -1分、助攻額外 +1分、上半場得分雙倍、下半場得分雙倍

由於賽事先計正常得分，然後完賽後才統計憑住技能卡獲得嘅額外分數，因此往往結果都會出乎你想像，可以話有時候係你自己都唔知自己隊會贏，令實事嘅刺激感大增！

球員有能力加成之外，裝備當然要有番咁上下配合，而Nike今次就讓參加者穿起Zoom G.T. Cut、Zoom G.T. Run以及Zoom Freak 3進行體驗，完美配合呢個咁好玩嘅超能力籃球Game。

有時候為籃球加入新方式，除左帶來新鮮感之外，可能會幫你找回打籃球嘅初心，因為當日你打籃球都係從快樂出發的。