作為NBA總冠軍兼總決賽MVP，「字母哥」Giannis Antetokounmpo上季成功簽下NBA首份總額超過2億美元嘅合同，講緊嘅係5年人工達到2.28億美元，平均年薪超過4400萬美元。而近日勇士成功同Stephen Curry續約，合同為4年2.15億美元。

33歲嘅Curry今次同勇士續約，合同總額雖然不及「字母哥」，但已經係NBA歷史唯二總額超過2億美元嘅合同。而比「字母哥」更誇張嘅係，Curry平均年薪超過5300萬美元，冠絕NBA！

而仔細睇Curry呢份新合同，合同將於2022-23球季正式執行，而起薪為4580萬美元，之後2023-24賽季年薪達到5190萬美元，2024-25賽季年薪為5570萬美元，最後一年嘅年薪則高達5960萬美元，認真誇張！

過去一季，勇士由於受盡傷患困擾，其中Klay Thompson大傷，Curry同Draymond Green都有傷在身，令球隊戰續大不如前。不過休養一季，新球季勇士會唔會谷底反彈，各位就要拭目以待啦！