雖然至今仍然有唔少較為保守嘅人覺得電競只係打機，並且可能仲會附帶一句「打機無出息架」，但現實卻係電競已經被認定為運動競技嘅一種，而最新確認電競地位嘅就係國際奧委會宣佈將於奧運加入5項電競賽事！

今次奧委會加入電競賽事絕對係破天荒，係首次正式將電競比賽加入到奧運項目當中，而當中將包括5個項目: 單車、賽車、棒球、賽艇以及帆船。

而呢5個項目將會係誇平台進行對決，平台包括Switch嘅《eBaseball 實況野球2020》、PlayStation嘅實車Game《Gran Turismo》、以手機平板電腦連接嘅單車App《Zwift》、以Brower玩嘅帆船Game《Virtual Regatta》，而最後嘅划艇項目則仍待定中。

而為到賽事更加具代表性，奧很會更與5個項目嘅相關聯會合作，好似世界棒壘球聯合會、國際汽車聯盟、國際單車聯合會、世界帆船(WS)及國際划船聯盟，務求令賽事更加受認可。

相信今次奧委會嘅決定，一定會令更多有意成為電競選手嘅朋友加左支強心針，因為電競真係已經唔係打機咁簡單，而係真係可以代表國家出賽，去將榮光歸比自己嘅國家！