{ SKIP }
文:MenClub 魏文青  
POSTED ON 28 Dec 2020

「百發百中」,呢個用黎形容人家命中率好高嘅成語,大家都知道係略帶誇張成份,而唔係真係講緊「射咗一百下又中咗一百下」。不過如果用「百發百中」黎形容今季傷癒復出嘅金州勇士球星Stephen Curry練習時嘅三分命中率,就完全冇誇張成份,而只係一個陳述句!

金州勇士嘅官方Twitter日前上傳一條Curry練習底線三分嘅片,驟眼睇其實係幾悶,就係睇住佢接波、跳投、入、接波、跳投、入咁,但神奇就神奇在Curry喺呢條長5:13嘅片中射咗104球,除咗最後一球外全.部.入.哂,而根據勇士所講,一開始仲有兩球入咗冇拍到,換言之Curry呢五分令鍾連續入咗105球底線三分!

圖片:Wikipedia

而據勇士教練Steve Kerr所講,連續入105球三分對Curry黎講都係一個新紀錄,「我記得佢之前個紀錄係77球。佢都痴鬼線,我唔知健力士世界紀錄仲存唔存在——我細個好鍾意睇佢哋本書——如果仲存在嘅話Curry就應該上榜啦,我哋仲有片為證!」

至於因傷而冇參與練習嘅Draymond Green接受訪問時就話,「我完全唔懷疑Curry做到呢件事,我唔使睇片都知佢做到。我成日都話佢係史上最勁射手,勁到我唔可以扮覺得驚訝,因為一啲都唔驚訝……如果你話我知呢個世界有人連入105球三分,咁呢個人就一定係Steph,因為佢做得到,任何有關射籃球嘅嘢佢都做得到!」

資料來源:NBA.com
費Sir係咪真係仲得呀...
sports
【興奮?】活華特離任,費Sir將繼任管理曼聯?!
23 Apr 2021
據英國多間媒體報導,英超球隊熱刺班主利維正式辭推摩連奴主教練一職,將由青年隊教練兼前球員Ryan Mason,以及U23球隊教練Chris Powell共同暫領球隊,直至搵到新教練為止。 圖片:熱刺官網 消息指,於過 ...
sports
【老豆】英媒指摩連奴被炒
19 Apr 2021