相信唔少人有留意新西蘭球隊，特別係欖球隊嘅朋友，都一定見識過佢地傳統提升氣勢嘅毛利人戰舞(Haka)。不過，日前於日本舉行嘅欖球世界盃四強，英格蘭隊卻以不太尊重對方Haka嘅方式回應，因此好大機會會被秋後算帳罰款。

欖球世界盃四強，英格蘭嘅對手新西蘭照慣例於賽前進大跳Haka，只見佢地排出一個三角形陣勢叫喊，而一早已經知道對方會跳Haka嘅英格蘭隊，則排出一個類似V形陣去回應對方。

而於新西蘭大跳Haka期間，英格蘭隊隊長Owen Farrell被拍得露出自信(鄙視)嘅笑容，對於以上行為英格蘭隊好大機會會遭受處罰，因為佢地觸犯了「文化儀式協議」，就係當對方進行文化儀式嘅時候係禁止進入對方半場，但明顯英格蘭已經有多名隊員超過半場界線。

其實當有英格蘭球員越過對白半場時，球證已經作出要求，但球員並未有按要求返回自己半場，因此追罰相信走唔甩。睇番以往紀錄，於2011年欖球世界盃法國隊亦曾經做過類似嘅舉動，最終被罰款2500英鎊。

對於今次英格蘭嘅舉動，有指係球隊領隊Eddie Jones策劃的，因為球隊於今屆賽事極具統治性，所以想對對方黎一個下馬威。

最終，今場四強賽事英格蘭隊以19:7擊敗新西蘭殺入決賽，對手會係南非。