{ SKIP }
文:MenClub 魏文青  
POSTED ON 01 Jun 2022

經過兩年疫情,唔少企業都半推半就、或多或少地試過Work From Home (WFH),甚至有唔少公司認為WFH對員工及公司都有好處,決定就算未來疫情過去,都會繼續採用WFH政策。不過世界首富、早前大讚中國員工做到唔肯收工嘅Elon Musk就唔係咁諗,因為近日佢向Tesla高層員工發出電郵,要求佢哋一定要返Office,而且一個星期返足40個鐘,唔係就炒魷。

呢封題為「遙距工作不再可以接受」嘅電郵,最早就係Twitter用家「Sam Nissim @SamNissim」爆出,可以見到寄件者係Elon Musk,而收件人「ExecStaff」就應該係指Tesla嘅高層人員。電郵內容相當簡單直接,劈頭就話如果高層想繼續遙距工作,就先要每個星期喺公司做足40個鐘,否則就要「離開Tesla」,簡單黎講即係OT先可以WFH。Elon Musk仲補充指,「每星期返公司做足40個鐘」呢個要求,比起Tesla工廠嘅工人都仲要少。

Elon Musk於電郵中亦指,如果有個別人士真係返唔到Office,就必須搵佢直接審批。然後又補充,「返Office」嘅意思係返Tesla嘅「主要辦公室」,而唔係「與負責工作無關嘅分部」,舉例話如果你係負責加州工廠,個人就需要喺加州工廠,而唔係其他州份嘅Tesla辦公室。

網民對於Elon Musk呢個決定嘅反應頗為不一,有人認為高層們嘅工作主要都係做決策,100%遙距工作對於佢哋嘅生產力其實冇咩影響;但又有人認為高層要返Office並唔係過份嘅要求。有人認為咁樣Tesla會難以留住人材,亦有人認為想入Tesla嘅人一街都係,炒哂依家呢班請過班都冇問題。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023