自去年10月底馬雲喺上海金融峰會批評中國相關監管後，阿里爸爸及螞蟻集團成為中國當局審查對象，馬雲亦就此「失蹤」咗超過兩個月，外界一度猜測佢可能被「軟禁」。據內地傳媒報導，今日馬雲透過網上視像形式，為由「馬雲公益基金會」所舉辦嘅「馬雲鄉村教師獎頒獎典禮」致詞，感謝各位鄉村教師。

馬雲表示每年臘八節(農曆十二月初八)都會喺海南三亞舉辦「馬雲鄉村教師獎頒獎典禮」致敬各位老師，但今年受疫情影響，改為線上形式，仲約定大家疫情過去後再見面。「馬雲公益基金會」負責人向內地媒體表示，呢段時段馬雲投入唔少精神研究教育公益，前排仲去咗拼校後嘅鄉村寄宿制學校「桐廬縣玉華小學」，但就無提及具體時間。

喺片入面見到馬雲神色正常有講有笑，就算發言未有提及阿里巴巴或螞蟻集團，但現身消息曝光後，阿里巴巴系內多家股份股價隨即急升。