{ SKIP }
文:MenClub 艾力克  
POSTED ON 14 Jan 2021

好似每個男人都有鋪收藏癮,有人鐘意儲錶、酒、相機、古董、鞋、模型、鞋等,數都數唔曬。而億萬富翁Roman Abramovich同你我一樣,都係鐘意收藏,差在佢啲收藏貴啲同大份啲。

(圖片截至:福布斯

福布斯資料,現時Roman Abramovich身家有140億美元,係俄羅斯第二大綱鐵生產商Evraz最大股東,以及英超球隊車路士(Chelsea FC)班主。當然仲有唔少「玩具」,超級遊艇、私人飛機,一大堆超跑同數唔曬嘅豪宅。《華爾街日報》曾用佢個名「Roman」抽水,笑佢嘅收藏組合係「The Roman Empire」,我哋一齊睇佢個「玩具箱」有幾奢侈。

(圖片來源:AFP

喺2003年佢用2.33億美元買入車路士,當時外界稱佢係一個「熱心足球迷」,咁佢又真係成日去睇車路士比賽。直到今時今日,車路士已經係世界第6貴足球隊,價值約25.7億美元。

近年用大約5億美元買入世界第大三遊艇「Eclipse」,據說擁有2個直昇機坪,24間客房、兩個游泳池、大型舞廳同埋導彈防禦系統,需要多達70名員工維持遊艇運作。

佢有好多部私人飛機,其中比較出名嘅係一部訂制波音767-33AER,入面有廚房、辦公室同睡房,仲有一個可以坐到30人嘅宴會廳。

講完海同空嘅玩具,當然有陸上玩具。包括全球限量29部嘅「Ferrari FXX」、限量15部嘅「Pagani Zonda R」、「Bugatti Veyron」、「 Mercedes AMG GT3」、「Aston Martin Vulcan」。

除左周圍買豪宅,仲喺加勒比海島「St. Bart's」擁有大約28公頃(參考:維園19公頃),價值9000萬美元房產地,分別有網球場、別墅、游泳池、音樂廳,差唔多你諗得出嘅佢都有。

(圖片來源:Reuters

佢曾經有過三段婚姻,加埋總共有7個仔女,雖然每次離婚都會被前妻鬧上法庭「分身家」,但最後只需「割愛」賠返幾棟別墅就和解,毫不影響佢富豪地位。

資料來源:BUSINESS INSIDER
繼Tesla、Microstrategy及Square之外,有近百年歷史嘅《時代雜誌 (TIME)》亦將開始持有Bitcoin,換言之未來於《TIME》嘅財務報表嘅資產列上將會出現「Bitcoin」呢一欄。而《TIME》啲bitcoin喺邊到黎?其中一個來源就 ...
powerandmoney
【加密貨幣】《時代雜誌》將持有Bitcoin 夏天推加密貨幣教育影片
13 Apr 2021
一直以嚟美國都係最多億萬富豪嘅國家,近年中國開始逐漸趕上。根據《福布斯》最新全球億萬富豪排行榜顯示,北京首次超越紐約,成為最多億萬富豪城市。報告亦提到,即使疫情打亂全球經濟,但億萬富豪榜人數仍然破記錄 ...
powerandmoney
【厲害了】北京首次超越紐約 成為最多億萬富豪城市
08 Apr 2021