黎到年尾，相信有唔少人都希望可以掉低諸事不順嘅2020，2021可以有好開始，不過如果你講緊嘅「不順」係因為疫情而令到收入減少嘅話呢，咁你好可能要等多幾年。據英國Resolution Fundation做嘅研究，疫情對經濟嘅影響將會持續數年，去到2025年英國國民嘅年菥會比疫情前平均低1,200英鎊，即係大約12,000港紙左右。

據《BBC》引述Resolution Fundation嘅總裁Torsten Bell指，疫情對經濟嘅打擊，再加上失業率嘅上升，會令英國國民嘅收入及生活水平於短時間內都冇辦法上升。而且當明年4月英國政府取消過去一年、每星期20英鎊嘅福利救濟金之後，國民嘅經濟壓力就會更重。同時又因為政府動用財政儲蓄提供大量緩助，於是未來又可能要加返稅填返個窿，再進一步加大國民財政負擔。

雖然香港唔係英國，但相信疫情影響下，全世界嘅人應該都係面對差唔多嘅問題，所以睇黎就唔係話疫情冇咗大家就一定有好日子過——當然如果佢唔過就肯定冇好日子啦下。