{ SKIP }
文:MenClub 玄火  
POSTED ON 19 Feb 2020
今年情人節,大家最想收到的花,相信是「肺部冇花」;而單身狗的福音則是「睇Pornhub Premium一蚊都唔使花」。老老實實,正常男人未睇過Pornhub,都一定聽過,否則只有兩種男人,一係扮純情的偽君子,一係唔識上網的阿伯,但成人影片網站如恆河沙數,點解唯獨Pornhub如此深入民心?

自從免費A片網站大行其道,慢慢取代成人雜誌的市場地位,連《Playboy》都要轉型,其中最成功的豉油網非Pornhub莫屬。呢個網站好多諗頭,玩大數據增加投入度是其中之一,此外又會由網上走到網下,去年8月與非牟利組織Ocean Polymers合作,邀請A片明星在海灘執垃圾,一邊露肉,一邊環保,虧你諗到。

玩crossover,Pornhub早已出神入化,比方說,曾在紐約時裝周與潮牌Hood by Air合作,令Pornhub的大名登上T台;又開設性健康網站,邀請真正的性博士助陣,解答如何安全做愛等性病疑難;意甲阿特蘭大中場Matteo Pessina今年22歲,已成為網站代言人,季前穿上衣服和佩戴飾物練波,引起關注,並充當說客游說球會與網站合作,惟目前尚未成功;去年平安夜仲喺曼克頓蘇豪區開設首間實體店於,捧場客去紐約旅行就要幫襯一下(顧客需年滿18歲)。

Pornhub在AV市場上只是第三方網站,但卻顛覆了整個市場,睇通各國的版權保護漏洞,走法律罅上載盜版內容,間接拉低影片價格,與民同樂。這年代,流量就是金錢,其他成人影片網站、交友網站等客戶願意乖乖科水落廣告,正如網紅一樣吸引到網民青睞,財源自然滾滾來。

除此之外,他們也做網站建設以及大數據,而付費訂閱服務方面,主要是讓知音人享受「零廣告」的快感,睇片最重要是一氣呵成。睇得多,又想拍埋一份,Pornhub當然預埋你玩,用戶可上載獨家猛片,對分利潤,一石二鳥,因而產生不少真人騷內容,切合今日的觀眾口味。

Pornhub的母公司是Mindgeek,而全球10大瀏覽量最高的豉油網,Mindgeek獨佔4個,接近擁有半壁江山,也反映市場受到壟斷,原創者的議價能力及利潤近年來大幅下降,連帶A片明星收入也隨之減少。2015年《經濟學人》披露,美國A片市場由高峰時的500億,蒸發了4分之3,演員平均收入由時薪1500美元減至500美元,可謂「賤物鬥窮人」。然而,習慣用做來表達愛的一線女明星如Bree Olson、Jenna Jameson等,年收入依然可達數百萬美元,像艦母級明星Kelix Tim去年就賺到890萬美元,問你服唔服!

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023