{ SKIP }
文:傑克  
POSTED ON 31 Dec 2019

轉工雖說是打工仔之常情,但一日未搵到新工,大家都唔想同事、上司知道自己有離心,打工仔又唔想每次見工都請full day假,如果請一兩個鐘去見工,又怕帶衫返公司替換太過張揚,有咩好方法掩人耳目?

盡量安排早晚面試

其實很多僱主都明白,求職者唔會先裸辭再搵工,而係一邊返工一邊求職。所以,在見工時間的安排上,對方很多時都願意作出配合。因此,不妨大膽主動提出想要的面試時間,例如早上的八點、九點,或放工時段的七點、八點,好讓你趕及見完工再回家換衫返工,簡單請一兩個鐘病假話去睇醫生,就神不知鬼不覺。

租用locker擺放見工衫

如果見工地點與居住地點、返工地點並不接近,無法見完工趕回家換衫,就要預早搵定返工地點的儲物櫃位置。很多火車站、商場都設有儲物櫃租用,見完工換了衫可先放儲物櫃,又或者返工前將見工衣著放於儲物櫃,見工前才去替換,避免了背著一個大袋裝衫回公司,被人識穿去見工。

Smart casual見工成常態

現時很多工種也沒有要求求職者要穿得很formal,只要乾淨整潔就可,畢竟最終面試能否成功,臨場表現才是重點吧。平日習慣以smart casual衣著返工,頭髮梳得貼服,儀容保持整潔,當要見工時,也毋須刻意改變,穿得像平日一樣就可以了。所以,平時返工不要太過「烏wea」,否則突然有一天變得整潔,就已經惹人懷疑了。

間中執正營造形象

不過,有些工種仍要求求職者穿著整齊的恤衫西裝或套裝見工,例如一些專業行業,或工作時需要formal dressing的銷售、服務等工作。除非本身做緊的工作已經是西裝不離身,同一套衫可以去見工,否則突然著西裝返工,真係好礙眼。不妨在平日返工就早做準備,間中著下西裝,為自己營造一個貪靚形象,當同事、上司間中都見你這樣裝扮,就不會懷疑你是去面試。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023