{ SKIP }
文:傑克  圖:互聯網
POSTED ON 05 Feb 2018
唔覺唔覺,原來港股已經升穿33000點,屢創歷史新高!相信大部份股民都賺取了豐厚的利潤,可喜可賀。不過,如果閣下是斯人獨憔悴,只看著人家賺到盤滿缽滿,自己卻一次又一次錯過入市機會,一毫子都賺唔到,心情十分肉酸,咁應該點算好?
請記住別妒嫉或眼紅
恒生指數升到咁,差不到求其買隻藍籌都可以坐定定數銀紙,偏偏自己錯過了,但人家卻賺到笑,除了自己覺得不值,必定會眼紅他人,不單是賺幾多的問題,同時也是投資功力的比拼,可謂輸錢又輸技術。不過,妒嫉或眼紅是投資大忌,一旦情緒被支配,很容易失去冷靜,而作出錯誤的決策,切記!
請記住別急於高追
無錯,就是過去一年半載常常抱持這種心態,才一次又一次錯過了股市高速列車,所謂高處未算高,唔係應該唔好害怕,與樓市一樣,愈遲上車愈上唔到車咩?唔係話唔好高追,但追入時要有一個充份理由俾自己,而唔係盲中中狗衝。如果沒有強而有力的理由入市,一旦入市後出現調整,很容易會失方寸,不知走好唔走好,最終都沒法賺到錢。
請記住你沒有損失
買錯了股入錯了市,才會落得蝕錢下場,但錯過了入市時機,享受不到大升市,其實想深一層,並沒有金錢上的損失喎,賺不到又不是蝕了,股市日日開,每日都有機會賺錢。所以,今次錯過了升浪,應檢討為何會錯失良機,下次當機會再臨,去把握就是了。
請記住溫習功課
人生難免犯錯,尤其是股票市場,每個成功的投資者都是從錯誤中吸取教訓,慢慢學習,逐步逐步走上成功路。今次錯失升浪,是一次很好的學習機會,究竟過去一年為甚麼沒有入市?錯失在哪裡?好好溫習功課,提升投資技術,下次一定連本帶利贏到開巷!
正所謂小賭可以養妻活兒,大賭可以創業興家,如果每個賭徒都抱持這個信念,難怪賭場生意是世上最好賺的生意了。但好奇怪,有人極愛賭博,亦有人對它毫無興趣,差別在於,你有冇賭徒DNA? 極愛玩遊戲 娛樂有 ...
powerandmoney
你有冇賭徒DNA?
19 Nov 2018
冰島和威爾斯可以在歐國盃爆冷,哥斯達黎加和巴拿馬可以闖入世界盃,點解香港仲未得?100萬人只有1個主角,咁700萬人點解1個主角都冇?當你知道這個App之後,「而這些機會不是屬於我的」這句話,今後也許從此改寫。 ...
powerandmoney
【香港一樣得】 改變球壇的選秀App
15 Nov 2018