{ SKIP }
文:傑克  圖:互聯網
POSTED ON 24 Nov 2017
30000點!升下升下,港股終於繼2007年後,再現30000點盛況。恒生指數創十年新高,股王騰訊勇破400元,散戶、股民理應皆大歡喜,開開心心笑著數錢,準備大肆慶祝。但如果在這個大牛市當中,閣下的投資不但沒有大賺特賺,反而蝕錢蝕到喊咁口,咁就真係要檢討一下,為何大升市都會蝕錢呢?
眼光差
市況大升,代表很多大藍籌、熱門恒指成份股都節節向上,此等股票一般都流通量高、為人所熟悉,真係是但買一隻都有錢賺,只係視乎賺多賺少而已。但如果在如此全面的升市底下,閣下持股竟然不升反跌,代表閣下的投資眼光極有問題,而且明知持股逆市下跌乃弱勢表現,依然故我不肯換馬,更反映閣下投資功力及心理質素仍處於初階,大升市都買錯跌勢股,真係要好好從頭開始學習。
包拗頸
人性其中一個奇怪的想法,就是包拗頸,當大市不斷向上,正常股民的思維都傾向覺得一定會回調,於是會嘗試在高位估跌,買入牛熊、窩輪等洐生工具,結果常常贏粒糖卻輸間廠,愈輸就愈覺得不值,不斷逆水行舟,硬係要估跌,結果輸完一次又一次,大市都未升到頂,他們已輸掉了身家。
頻換馬
市況大升,股民炒得不亦樂乎,這隻股票賺了,但眼見另一隻升得仲勁,又心思思換馬,誰知換馬後又發現另一隻才是駿馬,又急急落馬再上馬,出出入入,買買賣賣,不計換馬後的升升跌跌,純粹計手續費都唔好襟計。其實買中一隻好股,只須乖乖持貨等收成,就已經是最大筆的盈利了。
股民普遍都覺得,熊市蝕錢甚至輸掉成副身家,也不算慘,因為可以歸咎於於市況不濟,況且人人都蝕,唔覺得自己有什麼問題。但牛市都蝕錢,哪管是只是輕微損傷,都特別覺得傷痛與不忿,因為在牛市時,連師奶散戶也賺錢,蝕錢實在是反映自己能力之弱,但願在升市蝕緊錢的每一位,能夠好好從錯誤中吸取經驗,在哪裡跌低,就在哪裡爬起身!
除非自己想走,否則誰想被炒魷?但是,有時候唔輪到你話事,老細炒你也毋須問理由吧。想知自己會否成為下一個被炒目標,就要留意一些事前徵兆喇! 沒有再被指派新工作 除非工作性質是日常每日都會做的工作 ...
powerandmoney
留意被炒魷前的徵兆
19 Oct 2018
不做情人,做隻貓做隻狗?錯錯,做貓做狗,不如做吉祥物,職業體壇的吉祥物表演者,係就係辛苦啲,但計起上來,工作穩定又有保障,分分鐘好過半紅不黑嘅運動員。 魅力勁 小島移情,大島亂政,睇見屍政報告 ...
powerandmoney
【做隻貓做隻狗】 不如做吉祥物吧啦
18 Oct 2018