{ SKIP }
文:MenClub 波特先生  圖:互聯網
POSTED ON 19 Jan 2018
如果你係睇開英超或者NBA嘅朋友,你可能會覺得當中呢班全職運動員好爽,可以搵到超高收入嘅同時做住自己鍾意嘅運動,實在係唔少人夢寐以求嘅工作。不過,講到喺香港呢個咁細嘅地方做全職運動員,就真係非常之咁唔容易。
今時今日喺香港搵食好艱難,而做全職運動員就更加困難,因為香港政府對運動嘅支持並無其他國家一樣咁多支援,所以要想取得好成績一啲都唔容易,甚至有部份運動員更加要自己貼錢代表香港參加比賽或者搵教練進行訓練。
而今次我地訪問嘅主角,就係甘願放棄一份穩定嘅工作,毅然投身成為全職運動員嘅長跑選手魏賡。提到魏賡呢個名,可能唔係好多人認識,但係如果講到去年渣打馬拉松(渣馬)全馬賽事首位衝線嘅香港人,唔知你又有無興趣呢?
 

一鳴驚人?

岩岩度過25歲生日嘅魏賡,去年首次參加渣馬全馬賽事,並一鳴驚人咁跑出2小時32分38秒成為首位衝線嘅香港人,令唔少人好奇呢位跑手邊度冒出黎。

 
原來魏賡以往只係因為對長跑有少許成功感,所以讀書期間一路都保持進行呢項運動,但係當時嘅佢都無諗過要成為咩冠軍,甚至連正規嘅訓練都無,係直到讀完書出黎做野佢先開始正式跟教練。然後直到2016年10月,魏賡正式決定辭工全身投入進行訓練。
對於成為全職運動員,魏賡表示:「成為全職運動員後,可以放喺訓練上同休息上嘅時間就更加多,(訓練)就可以有更好嘅成效。」
「不過其實喺成為全職運動員過左半年左右,就會覺得其實係咪真係可以繼續落去呢?成績又係咪可以繼續保持進步呢?始終有一份穩定嘅工作生活會穩定得多。」可以睇到魏賡道出香港運動員嘅艱難位,就係喺香港做全職運動員生活一啲都唔容易,並對前路總係擔驚受怕,好似遠遠唔夠保障咁。
 

今年渣馬點睇?

而講到黎緊再一次參加渣馬嘅全馬賽事,魏賡就表示:「今次感到壓力大好多,因為自己已經成為其他選手嘅目標。不過自己今年嘅目標就仍然希望可以繼續香港藉嘅第一名返到終點。」

對於喺一段咁長途嘅賽跑過程,究竟幾時會覺得最辛苦呢?魏賡就話:「跑到一半左右就可能真係覺得好辛苦,就會諗自己會唔會停呢?但始終都係想盡自己嘅能力去完成,而喺跑之前自己嘅目標亦都好明確,所以決心夠大就會驅使到自己有信念可以堅持跑到返終點。」魏賡又補充:「跑全馬最辛苦嘅就係意志不足,因為身體有足夠訓練,理應可以夠體力跑返終點。但係意志會影響你嘅身體,當你自己覺得自己好攰嘅時候,你嘅大腦自不然就會話番比你嘅身體知,你真係好攰,係時候停啦。」
除左渣馬,魏賡自己一直有一個更遠大嘅目標,就係希望可以參加奧運嘅馬拉松賽事,雖然如今嘅佢跑全馬嘅Pacing已經達到3min/k,但係佢就指自己嘅最佳時間都仲差成10分鐘先達標,要突破呢個數字並唔係未來1-2年能夠做到嘅事。
 

為慈善出一分力

另外,今年魏賡成為左BMW i Runners嘅一員去參加渣馬,其中佢地每跑一公里就會將數字轉化為善款捐比香港凝動體育基金,而過去幾個月入面佢嘅訓練亦都已經全數化為善款,以幫助低收入家庭人士有機會去做各項體育訓練。

 

渣馬小Tips

最後,魏賡提醒今年參加渣馬嘅朋友,喺比賽前一定要注意飲食,要補充足夠嘅碳水化合物,以儲存足夠嘅體力去完成賽事。另外,訓練量亦應該要喺比賽前陸逐減少,以免出現體力不足的問題。

不論你對ViuTV持有甚麼態度,你都不能否認它近年為香港娛樂圈捧出一群至少有話題性的年輕面孔。單論《全民造星》系列就為大家「貢獻」出Mirror、Error、P1X3L、Collar四隊組合,再加MC張天賦、Mansonvibes 張進翹、A ...
people
【MenClub People】鍾意,己經夠啦 - Johnny Hui 強尼
30 Sep 2022
第一次親眼「見到」洪嘉豪,是去年年尾在Jace (陳凱詠) 的演唱會上。雖然當晚他只是作為觀眾於台下睇Show,但每到Jace準備邀請嘉賓上台時,我旁邊就會有個不知名男觀眾,不停用洪嘉豪欠他錢沒還似的語氣大叫「洪嘉豪 ...
people
【MenClub People】一步一腳印 - Kaho Hung 洪嘉豪
04 Jul 2022