{ SKIP }
文:MenClub 魏文青  
POSTED ON 19 Dec 2016
文青近期愛上咗一個節目,叫「睇樓」,而且一定係睇新樓!嗱唔好話我離地,因為我真係去睇唔買嘅,但依家啲新樓真係好好睇——尤其當你發現佢仲細過你大學個宿舍、細到個灶其實放唔到鑊、細到你一入門口就知道啲傢私(只)可以點樣擺,但個價錢依然係豪門級嘅時候,真係會令你反思人生的意義。咁既然鍾意睇樓,冇理由唔睇埋外國樓呀?今次就同大家介紹一下喺斯洛伐克嘅一間古蹟級翻新屋啦!


呢間名為「TRN」嘅屋位於斯洛伐克西部城市「Trnave」,原本係一間面積100平方米(約1000平方尺)、建於1719年嘅修道院,即係就黎有成300年歷史。修道院喺20世紀中期嘅時候就改建成為住宅,一路直到目前。近來就有一對情侶入住,但就對於原本嘅間隔唔太滿意,認為唔能夠充分利用空間,氣氛亦略嫌殘舊。於是佢哋搵黎建築師「Peter Jurkovič」為佢哋重新設計內部。


當中最大改動係打通多幅間隔牆,將本來頗為零碎嘅空間變成一個大廳,再加上3.6米高嘅樓底,營造超大空間感。另外喺廳嘅一邊就有同天花一樣高嘅「書櫃牆」。點解要睇咁多書?因為書中除咗有黃金屋,仲係睡房。只要打開其中一格書櫃,就可以進入主人套房。另外如果主人家想生小朋友,只要再作簡單裝修,就可以改建為三睡房格局!呢啲咪就係「可持續發展」囉!



嗱人家連300年歷史嘅修道院都可以翻新成咁呀!你睇我哋啲一級古蹟?
JRKVC


Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025