有暴力場面，未做哂暑期功課嘅朋友仔返出去唔該。前幾日 Bellator MMA 158 次中量級比賽之中，一個自稱為「小精靈訓練員」嘅拳手以最暴力嘅方式一嘢飛膝踢爆對方額頭，即時K.O.之餘，最後仲要做返個Pokemon版慶祝儀式，真係睇到人地血脈沸騰呀！

呢個拳手叫 Michael “Venom” Page，當日對於Evangelista “Cyborg” Santos，K.O. 來自Cyborg右直拳揮空，於毫無防備嘅情況下，被Venom 一個輕鬆跳躍，以右膝直擊臉部，從賽後Cyborg嘅相睇到，額頭成個凹哂落去，極之暴力！

呢個時候Cyborg已經喺地下雙手掩頭碌嚟碌去，最令人側目係K.O.後Venom即刻去場邊戴返頂靚帽，拎埋個精靈球，耀武揚威一輪之後，碌個精靈球去已經重傷嘅對手度，咁嘅慶祝方式，可以稱為 Pokemon KO!!