了解女人的電影

無錯，你無睇錯，我無寫錯。真係有套電影可以用黎了解下女人(暫時)，咁話哂女人 都係一種千變萬化嘅生物。可能睇張 POSTER 你會覺得又係美式喜劇，但係了解女人 入門 BB 班係咁上下啦！唔通我俾本無字天書你又睇得明咩？恨嫁中女、姐弟戀、縱 慾女同埋尋找愛情真締既女主角，真係咩 type 既囡囡都講哂。 比起其他美式都市愛情 片節奏明快，笑位充足，可以寓學習於娛樂，最緊要係個劇本寫得女人嘅情感同想法 夠貼地。睇左，傍下身，無壞。

《進擊的巨人》班底：甲鐵城的卡巴內里

如果之前睇左荒木哲郎監導嘅《進擊的巨人》不妨睇埋佢呢套《甲鐵城的卡巴內里》。「卡巴內」解作屍，「卡巴內里」就係屍人 ，劇中設定日本武士惡鬥有鋼鐵心臟嘅屍體。而套劇繼續以《進擊的巨人》入面突變半人半屍嘅主角加上型棍嘅對抗武器做元素，當然唔少得熱血台詞墊著。「我可從來不認為恐懼可以成為捨棄他人的藉口， 人不能因為恐懼， 就連身為人類的品性都丟掉。」－生駒 (主角)呢條動漫公式係荒木哲郎同 WIT STUDIO 手上，真係睇極都唔厭。今年四月開始播， 而家做到第七集，追追佢！