溫故知新：大家昔日買嘅 A Bathing Ape（Bape）其實已賣盤給 I.T，所以現在任何有關 Bape 的事也是沈嘉偉跟旗下職員策動的，不再關 NIGO 事。好，繼續，唔知大家記唔記得，以前 Bape 同過百事合作出迷彩罐，炒到飛起，最近新支線 AAPE 都有效法再復刻；點知啱啱 Bape （其實即係 I.T）就宣佈即將同 Coca-Cola 合作，嘩，咁咪即係食兩家茶禮？雖然話就話好耐之前合作啫，但好似唔係好啱規矩喎。如果仲係日本人話事嘅話，呢件事應該唔會發生。點都好，都期待兩者可以搞啲乜出嚟。