信內又提到，呢個想法唔止得佢一個人認同，業界內亦有好多人有呢個想法，只不過敢怒不敢言，而Taylor Swift作為現時世界上最當紅及有影響力嘅歌手，佢覺得應該要為呢個不合理手法作出控訴，而且佢更身先士卒，宣佈唔會將自己嘅最新大碟《1989》放係Apple Music度賣，敢作敢當，並非空口說白話！

Taylor Swift公開信一出，即時震驚Apple Music方面，有關方面好快地作出回應，高級副總裁Eddy Cue已經係Twitter表示，公司已經明白Taylor Swift及所有音樂人嘅睇法，所以即時決定「3個月免費試聽服務」內亦會俾返錢大家，皆大歡喜！