大家剛剛食完lunch，係唔係覺得唔夠滿足先？明白嘅，得一個鐘頭食飯，諗到食乜再等得位嚟，都已經得返廿分鐘食飯，仲話想要學外國人有頭盤、主菜、甜品再加杯咖啡？得嘅，等到周末放假時先做得到！

小編當然明白大家感受啦，所以專登搵咗啲甜品，就係「哈」字頭雪糕……相俾各位，暫時睇咗當食咗！「佢嘅雪糕我食成日都食啦，咩日本限定味道我款款食過晒，你嗰啲又有咩咁特別呀！」介紹得俾咁多位尊貴嘅讀者，款雪糕當然係有料到啦！就係雪糕個「樣」夠晒與別不同嘞！

來自日本，名叫淺野誠嘅朋友，在兩、三年前純粹貪得意地，將「哈」字頭雪糕整到成個人樣模樣後在上傳至facebook，久而久之，愈整愈多，笑樣、喊樣、老人樣、怪樣乜都有，終於自成一派變成「臉冰藝術」，佢仲專登拍埋片放係instagram（戶口名asanomakoto），公諸同好話俾大家知佢點整。

不過都要溫馨提原各位朋友，食物唔好亂玩，要珍惜。

資料來源︰宅宅新聞