初時睇到間屋嘅設計，仲以為屋主俾人玩，仲要玩到咁大！

因為間房有一半就鋪天蓋地全部畫晒塗鴉圖案，另一半就完全純白色，最多掛咗幅有色彩嘅油畫咁大把。一間房存在對比咁大嘅設計，真係估佢唔到，如果單憑睇相嘅話，大家仲以為只係執相執出嚟嘅效果。

事實上，真係一間房間入面存在兩種極端嘅裝修，而發生現場就喺某酒店現場，你知家陣hip hotel好火紅啦，佢哋能夠吸引住客入住原因，好大程度上得靠房間與別不同嘅裝修，與傳統酒店嘅公式格局有所分別。而某酒店就聘請咗來自烏克蘭嘅設計師Pavel Vetrv，設計出呢個咁有創意嘅房間，由整個牆身、地板、至床舖，以及細節位如一幅圖畫及電視機，都係一半白色，一半塗鴉，非常全面。