學黃子華話齋，香港人嘅精神，就係「無精神」。相信唔少香港人由細到大都面對住唔夠瞓嘅問題，但究竟瞓幾多先叫「夠」呢？日本厚生省近日就事隔十年地更新咗其「健康睡眠指南」，列出唔同年齡層嘅人嘅理想睡眠時數。大家又睇下自己瞓得夠唔夠啦。

日本厚生省最新公佈嘅「健康睡眠指南2023」中指出，睡眠不足會增加患腦部及心血管疾病，以及抑鬱症嘅風險，並建議成年人每日最少要有6小時睡眠，仲寫到明平日瞓唔夠、於假日「補眠」係危害健康。而兒童瞓唔夠就可能會導致肥胖、抑鬱及影響學習成績，所以建議1至2歲幼童要瞓11至14小時、3-5歲小童要瞓10至13小時，小學生要有9至12小時，中學生都要有8至10小時——都先唔好講成人們瞓得夠唔夠，淨係學生們都幾乎肯定瞓唔夠。

指南亦建議老年人每日唔好瞓多過8小時，並表示長時間睡眠及瞌眼瞓，會增加老年人死亡風險。

資料來源：讀賣新聞