{ SKIP }
文:MenClub 魏文青  
POSTED ON 27 Sep 2022

自從一向做「實事」嘅香港政府上週宣佈0+3」入境安排,加上日本政府宣佈10月11日後開放自由行,香港人嘅旅行慾被全面點燃,唔少人已經買咗機票準備「疫情後第一飛」。而據旅遊網站Trip.com提供嘅數據,過去呢個週末買機票嘅人急升,其中去大阪嘅人更急升7300%。

圖片:Unsplash

據Trip.com數據顯示,同再上一個週末相比,佢哋網站嘅香港出境航班訂單量升咗4倍,而曼谷、首爾、東京、新加坡及大阪就係前五最多人去嘅地方。如果按目的地分類,買機票去曼谷嘅人數,比起再上週多咗6倍、去首爾嘅人亦多咗7倍,但要數到港人最愛嘅始終係日本,去東京人數升咗近14倍,去大阪人數更加急升73倍。

網站亦指,大部份訂單嘅日期都集中於10月初嘅公眾假期以及聖誕假附近,而香港用戶訂酒店嘅平均日數為3-4日,意味大部份人都希望食埋個公眾假期去個短Trip。

圖片:Unsplash

好多人因為「0+3」想離開香港,咁又有冇人因為「0+3」而想返黎香港呢?據網站數據,訂機票返香港嘅人數雖然都有增加,但增長就遠不及離港嘅人,只係多咗155%。而入境地前五名就係曼谷、倫敦、新加坡、台北、曼徹斯特,當中增長最多嘅係曼谷,升咗兩倍。網站指預期海外旅客需要更多時間消化「0+3」措施,所以預計第四季嘅入境旅客人數會大幅增長。目前大部來港訂單都集中於10月下旬,平均會逗留5日左右。

資料來源:Trip.com

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025