你不知道的日本旅遊禁忌

文：MenClub Mean娜　　圖：互聯網
POSTED ON 17 Mar 2015

4、5月係日本賞花的最佳時期，加上日元係咁跌，個個都諗住度靚假期去日本遊玩一番。雖然平日接觸唔少日本文化，但講到真正日本人嘅禁忌，你又知幾多？話晒入鄉隨俗，去人哋國家玩，跟返當地規矩好喎～
1.不能隨地食煙、丟煙頭

日本有明文規定如果喺路上隨意食煙、丟煙頭，就會被罰款。所以日本人如果要食煙，基本上都會到專門吸煙區。
2.扶手電梯上站立的方向
乘搭扶手電梯時，喺東京需要企左邊，右邊係畀人快速通過；而喺大阪則要企右邊，左邊讓人快速通過。
3.吃飯禮儀

食飯時，如果如果有人要夾菜畀自己，途中唔好用筷子去接，因為喺日本呢種行為係非常失禮。應該直接讓對方將菜夾到自己碗裡。
4.有紋身的人無法浸溫泉

日本多半的溫泉幾乎都不會畀身上有紋身嘅人進去，甚至連入店都會被拒絕。如果偷偷溜進去，都會被週遭其他泡溫泉的客人用異樣眼光看待。
5.說乾杯時不會一次乾完

話就話乾杯，但其實日本人乾杯並唔會一口氣飲晒杯酒。日本人講乾杯就好似開場白，實際上只會飲一兩啖。
6.路上或人多的場合不能直接擤鼻涕

日本人覺得呢種行為好噁心，所以如果喺大庭廣眾下咁做，通常會被認為禮節唔好，要擤鼻涕多數都會躲喺廁所私底下處理。
7.埋單時將錢放置碟盤上

喺日本無論到餐廳定食堂埋單，櫃檯前都會放置一個長方形碟盤，用來裝錢。埋單時一定要將錢放喺盤上，隨意放枱面或者直接交到日本人手中，都會被視為冇禮貌。
8.有預約卻不出現或遲到

訂咗位置但爽約不出現，喺香港好似好常見，但喺日本，咁做唔單止令店家冇營業額，仲會讓日本人擔心地等待喔。
9.美食要趁熱食

好多人慣咗旅行就相機食先，搞到食物凍晒。喺日本，如果美食唔趁熱食，係不禮貌的行為。
10.電車上禁止大聲喧嘩、手機需關靜音

日本明文規定，喧鬧者係會被司機趕下車。