我唔知係因為大家好耐冇去日本、定真係好鍾意行DONKI，反正DONKI每個Weekend都逼到年宵咁樣，針都插唔入。可能DONKI都知香港人幾鍾意去買嘢，所以即使疫情之下仍急速擴充，除咗10月15日會開嘅中環100QRC分店，2021年初前更會於將軍澳同小西灣再開兩間！

10月15日開幕嘅「DON DON DONKI 100QRC」分店將係品牌於香港嘅第一間地鋪，以「礦場尋寶」為設計主題，佔地12,015平方米，全年無休7x24營業。而開得喺中環，主要客群當然係附近嘅上班族，所以新店亦會推出多款限定嘅DONKI便當，當然亦唔少得刺身壽司、生活百貨、美妝用品。以後大家去夜晚去中環就唔得老蘭一個地方可以去啦。