Clockenflap有咩睇？值得留意的四位女表演者

文：MenClub 魏文青　　
POSTED ON 12 Nov 2017

下星期又係Clockenflap，唔理你係純粹湊熱鬧、想去睇下有冇艷遇、定係真係咁乖去聽歌，呢個香港一年一度嘅音樂盛事都絕對值得你留意。以下就為大家介紹幾位女性表演者，等大家去到可以扮下嘢啦！
1. MØ


睇個名都知佢係北歐人，MØ全名Karen Marie Ørsted，「MØ」呢個藝名係以名字中嘅兩個字頭串成，丹麥文中又有「處女」嘅意思。MØ係一名電音音樂人，曾經與Major Lazer、Justin Biber、Charli XCX等人合作，而且拎過好多獎。值得一提嘅係佢全家都係專業人士：老豆係物理學家、媽媽係老師、阿哥就係醫生——唔知係咪細個屋企管得嚴，所以佢嘅音樂先咁有力呢？
2. FEIST


出身自Indie Rock(獨立搖滾)著名組合Broken Social Scene，號稱加拿大「文青女歌手」，事關其歌唱風格相當簡樸，慵懶腔調亦令人聽得十分舒服，但其實佢都可以有搖滾樂嘅激烈咆哮。
3. 水曜日のカンパネラ (WEDNESDAY CAMPANELLA)


今年Line up中令人非常期待嘅日本組合，團隊由三個女仔組成，包括主唱KOM_I、曲詞Kenmochi Hidefumi、以及經理人Dir.F。歌曲風以電音、J-pop同Hip Hop為主，另外亦相當著重視覺效果。例如色彩繽紛嘅MV、常人睇唔明嘅服裝，就算現場表演都永遠會有驚喜。唔知今次黎香港又會有咩準備呢？
4. Mitski


美國與日本混血獨立歌手，於美國讀書時期自行推出兩隻專輯，畢業後推嘅「Bury Me at Makeout Creek」更獲得音樂人廣泛好評。值得一提嘅係佢個樣雖然相當麻麻(我算好好人架啦)，但身材唔錯(重點誤)。
以上就係四位值得大家留意嘅女表演者，但除咗佢哋之外，Clockenflap當然仲有好多出色音樂人登場。所以大家有機會就記住入場啦。