「闇影風暴兵(Shadow Stormtroopers)」又稱為「黑洞風暴兵(Blackhole Stormtroopers)」。原著中乃係帝國情報部主管「Agent Blackhole」嘅私兵，主要執行滲透、埋伏等機密行動。佢哋嘅黑色盔甲以「Stygian-triprismatic Polymer」製作，除咗比一般白兵裝甲堅硬，本身都自帶隱身同滅聲功能。好啦，咁你係咪好期待隻「黑兵」頭盔都可以隱形呢？放心啦！邊有咁高科技先得架！不過滅聲就做唔到，變聲都仲有嘅。簡單啲講咪就係之前個白兵頭盔轉咗色咋嘛！