差啲認唔出 EVA貳號機野獸G模式

文：MenClub 魏文青　　
POSTED ON 04 Sep 2016

我越黎越覺得《真．哥斯拉》其實唔係一部電影，而係一部為咗其他週邊而出嘅長片預告片黎。因為相比起其他週邊，套戲本身嘅宣傳真係太唔起眼，而且啲週邊推出嘅速度都未免太快。好似早排咪出咗隻「哥斯拉身初號機」嘅？話咁快佢就出埋「哥斯拉身貳號機」添！

同屬東寶推出嘅「G覺醒」系列，今次就係以感染咗G細胞貳號機為主題，而且唔係普通嘅2號機，而係2009年新劇場版《破》中嘅野獸模式二號機。因為本身就已經野獸化，再加上今次G細胞化嘅部份比上次嘅初號機多，所以我睇圖都差啲認唔出呢隻原來係貳號機黎。事實上成隻Figure只係得兩邊大脾、上背同眼嘅部份仲係紅色，其餘部份都已經哥斯拉化。不過亦保留背上嘅拘束器，哥斯拉背鰭亦變成橙紅色。整體比起原裝更加有獸性。

呢隻「EVA貳號機野獸G模式」全高30cm，長38cm，售價為32400Yen，即約2440HKD左右。預計下年2月出貨。
ゴジラ対エヴァンゲリオン東宝30cmシリーズエヴァンゲリオン２号機ビースト“Ｇ”モード