又多個原因去台北蔦屋書店進駐信義

文：MenClub 魏文青　　
POSTED ON 11 Aug 2016

雖然香港都已經有誠品，但好多人去台北都係會去誠品行下，尤其係信義區嘅誠品就更加係心到之處。不過好快大家就有第二個選擇啦！因為被稱為「日本最美書店」嘅「蔦屋書店」好快就會進駐台北信義區啦！

話說有台灣傳媒發現有公司以「TSUTAYA BOOKS」的名義，於台灣搵工網「104」招募店長、店員等人材，仲講到明係信義區返工，而且應徵者必須要識日文。而台灣傳媒指，預計蔦屋書店會落腳於信藝區統一時代百貨。統一時代方面就表示的確有與蔦屋書店接觸，但細節就尚未確定。

蔦屋書店於2011年開設於潮鋪林立嘅東京代官山，名為「書店」，實際上係集書店、唱片、電影、餐廳以及生活用品於一身嘅大型綜合店。因為設計獨特，所以被譽為全球最美的20架書店之一，亦係各大旅遊書推薦嘅景點之一。如果真係進駐台北，咁以後又多個理由去台北啦。
Chinatimes